Дали често јадете помфрит? Експертите предупредуваат на сериозна болест што можете да ја добиете

Луѓето кои јадат три порции помфрит неделно имаат поголем ризик од развој на дијабетес тип 2, покажува нова студија.

Оние кои консумираат слични количини варени, печени или пире од компири не се изложени на зголемен ризик од болеста, откриле авторите на студијата.

Меѓународен тим истражувачи, вклучувајќи експерт од Универзитетот во Кембриџ, истражуваше можна врска помеѓу консумирањето компири и ризикот од дијабетес тип 2.

Тие анализирале податоци од студии кои го следеле здравјето на повеќе од 205.000 здравствени работници во САД, а овие студии биле спроведени во текот на речиси четири децении.

Истражувачкиот тим открил дека консумирањето печени, варени или пире од компири не е поврзано со зголемен ризик од дијабетес тип 2.

„Ризиците поврзани со внесувањето компири варираат во зависност од методот на подготовка“, напишале авторите во статија објавена во медицинското списание BMJ.

Луѓето со поголема консумација на пржени компири, најмалку три порции неделно, имале 20 проценти поголем ризик, додека оние кои јаделе помфрит пет пати неделно имале 27 проценти поголем ризик од развој на болеста.

Истражувачкиот тим, исто така, откри дека замената на три порции компири секоја недела со интегрални житарки го намалува ризикот од дијабетес тип 2 за осум проценти.

„Се проценува дека замената на која било форма на компир, особено помфрит, со интегрални житарки го намалува ризикот од дијабетес тип 2, истакнувајќи ја важноста на промовирањето на интегралните житарки како суштински дел од здравата исхрана“, напишаа тие.

Интегралните житарки вклучуваат кафеав ориз, овес, ‘рж, киноа, јачмен или просо.