Вицепремиерот и министер за внатрешни работи на Србија, Ивица Дачиќ, испрати писмо до директорот на Федералното биро за истраги, Кеш Пател, со покана да помогне во стручната анализа врз основа на знаењето и искуството што го имаат во областа на користење уреди кои емитуваат звучни бранови.
Помош е побарана имајќи предвид дека српското Министерство за внатрешни работи се соочи со јавни и медиумски обвинувања дека негови припадници употребиле „звучен топ“ за време на јавниот митинг одржан во Белград на 15 март.
Бидејќи овие средства се со закон забранети во Србија, дописот е испратен со барање Федералното биро за истраги да помогне во вештачењето за утврдување на сите околности на споменатиот настан.
