Да не се полева тревата со вода за пиење

ЈКП „Водовод Битола“ ги информира граѓаните за рационално користење на водата за пиење. Екипите на ЈКП „Водовод“ – Битола, покрај редовните теренски проверки и работни активности, ќе вршат контрола на водоснабдувањето и ќе интервенираат кај оние корисници што енормно и бесправно ја користат водата за пиење, со цел непрекинато и квалитетно водоснабдување на корисниците.

Во овој период се планираат исклучувања на бесправно поврзаните корисници на водоводната мрежа.

ЈКП „Водовод“ – Битола апелира да не се користи пивката вода за наводнување поголеми површини, туку рационално да се користи за основните потреби.

– Секоја злоупотреба – нерационално користење на водата и сите иматели на диви приклучоци ќе сносат одговорност и ќе биде поднесена соодветна пријава кон нив – предупредуваат од ЈКП „Водовод“ – Битола.

При тоа, ги информираат граѓаните што живеат во висококатниците, да ги користат своите хидрофорски постројки.