Јуки Цунода претрпи уште еден удар во својата кариера како возач на Ред бул откако го повтори негативниот рекорд стар 16 години, на „Силверстон“. Јапонскиот возач стана првиот член на тимот на Ред бул што поминал пет трки по ред без да освои бод, од Марк Вебер во 2009 година.

Откако беше промовиран од Рејсинг булс во матичниот тим пред домашната трка во Јапонија, тој не успеа да се снајде во својата нова улога. На десетте трки што ги возеше досега за Ред бул, собра само седум бода, што е далеку под очекувањата на тимот. Последен пат беше во бодови во Имола, каде што ја освои десеттата позиција.

Инаку, Цунода дојде во Ред бул на почетокот од оваа сезона, кога го замени Лијам Лосон, кој по само три трки доби шут-карта. Сепак, останува големото прашање: Колку долго Ред бул ќе го трпи Цунода поради слабите настапи?

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ