„ЦРН МРАЗ“ – причина за страотната верижна несреќа во Јапонија/ВИДЕО

Снегот и таканаречениот црн мраз на автопат во Јапонија предизвикаа сериозна верижна несреќа во која загинаа две лица, а 26 други беа повредени.
Несреќата се случи во петокот вечерта, околу 160 километри северозападно од Токио. Во судирот учествуваа вкупно 67 возила.

Според полициските наоди, голем камион удрил во комбе кое било запрено на автопатот, при мало свртување налево. Возилата што доаѓале зад нив едноставно не можеле да застанат на замрзнатиот пат, па се судриле едно со друго на делница долга околу 300 метри, пишува АП.

Меѓу загинатите е и 77-годишната Мијуки Вакита од Чофу, која била на задното седиште од автомобил управуван од член на семејството. Втор смртен случај е пронајден на возачкото седиште на камионот во саботата наутро.

Судирот предизвикал и пожар кој зафатил 20 возила, од кои некои биле целосно изгорени. Пожарот бил изгаснат по неколкучасовна интервенција. Полицијата вели дека за среќа немало дополнителни повредени во пожарот.

Во времето на несреќата, беше во сила предупредување за обилни снежни врнежи, токму кога Јапонија влегуваше во сезоната на патувања за крајот на годината и новогодишните празници.

Делови од автопатот сѐ уште се затворени за истраги, отстранување на остатоци и поправка на патот.

Страотен верижен судир на повеќе од 50 возила во Јапонија, има мртви/ФОТО/ВИДЕО

🚨 Black ice triggers catastrophe — largest crash on a Japanese highway

As many as 57 vehicles collided due to black ice on Japan’s Kan-Etsu Expressway. The chain crash began after a truck skidded on the icy road — a domino effect followed, with passenger cars and trucks… pic.twitter.com/fHQB1Hv4iF

— NEXTA (@nexta_tv) December 27, 2025