Директорот на Централната разузнавачка агенција (ЦИА), Џон Ратклиф, објави дека агенцијата пронашла, како што ги нарече, „веродостојни докази“ кои укажуваат дека нуклеарната програма на Иран била сериозно оштетена во неодамнешните напади.
„Ова вклучува нови разузнавачки податоци, добиени од историски сигурни извори и методологии, кои покажуваат дека неколку клучни нуклеарни постројки во Иран се уништени и дека ќе бидат потребни години за нивно обновување“, рече Ратклиф, а пренесе Си-Ен-Ен.
Соопштението доаѓа откако Си-Ен-Ен, повикувајќи се на прелиминарна анализа на Агенцијата за одбранбено разузнавање (ДИА), објави дека американските напади веројатно не ги нарушиле капацитетите на Иран за производство на нуклеарно оружје на долг рок, туку само ги одложиле за неколку месеци.
Белата куќа ја оспори таа проценка, нарекувајќи ја „неточна“.
Американскиот претседател Доналд Трамп изјави дека нападите ја „уништија“ способноста на Иран да развива нуклеарно оружје.
Директорката на Националното разузнавање, Тулси Габард, исто така, се огласи на социјалните мрежи за да каже дека „новите разузнавачки информации“ потврдуваат дека нуклеарните постројки на Иран се „уништени“.
ИЗДВОЕНИ
Грција гори – итна евакуација, летаат авиони и хеликоптери! (ФОТО)
Жељазков до Кошта: Бугарија нема да поставува нови услови, но очекува уставни измени во Македонија
Жеже – пече во Скопје, на Треска кај Матка е спасот/ФОТОГАЛЕРИЈА
Нема веќе само тројца туку четворица ќе јадат, уште еден член додаден во државната кошница
