Колумбискиот тенисер Николас Мехија јавно се огласи по инцидентот што се случи по натпреварот од Дејвис купот, со Мароко. Колумбиската репрезентација победи со 3:1 во плејофот од Светската група на Дејвис купот, но финалниот натпревар беше напнат поради настаните на теренот.
Мехија, кој моментално е рангиран на 177. место во светот на АТП-листата, прво ѝ гестикулираше на публиката да замолчи по натпреварот, а потоа го повтори истиот гест во правец на клупата на мароканскиот тим.
По тоа, страстите брзо се разгореа – почнаа да летаат шишиња од трибините кон теренот и ситуацијата беше на работ од сериозен конфликт меѓу играчите од двете репрезентации.
Drama after the Colombia vs Morocco Davis Cup match
Nicolás Mejía gave Colombia a 3-1 win
After a tense match where he was booed by some of the crowd, he shushed them & celebrated
Some of the crowd threw bottles on the court in response
😳😳😳😳😳
— The Tennis Letter (@TheTennisLetter) February 9, 2026
Колумбиецот потоа објасни зошто реагирал на тој начин.
- Треба да се каже и дека ме навредуваа во текот на целиот натпревар, дека ми се закануваа мене, а и на моето семејство и дека истите тие членови на мароканската репрезентација постојано викаа и ја подбуцнуваа публиката кон мене – објасни Мехија.
