Царините на Трамп го „потонаа“ доларот

Индексот на доларот, кој ја покажува вредноста на американската валута во однос на шесте најважни светски валути, минатата недела потона за 1,9 проценти, на 97,45 поени.

Американската валута ослабе во однос на еврото за 1,95 проценти, па курсот на еврото скокна на 1,1825 долари. Доларот ослабе и во однос на јапонскиот јен, за 1,5 проценти, а девизниот курс падна на 155,70 јени.

Ова е најголемиот неделен пад на доларот од јуни, а аналитичарите како главна причина ги наведуваат новите закани за царинска војна што ги упати американскиот претседател Доналд Трамп.

Тој минатата недела се закани дека ќе воведе царини за увоз од осум европски земји ако не го прифатат неговиот план за купување на Гренланд, кој го смета за клучен за безбедноста на Соединетите Американски Држави.

Според неговите најави, царини од 10 проценти би биле воведени за тие земји од 1 февруари, додека тие би се зголемиле на 25 проценти од 1 јуни, доколку дотогаш не се постигне договор за американска контрола врз Гренланд.

Данска и лидерите на Гренланд, автономната територија на Данска, изјавија дека островот не е на продажба, додека осум европски земји испратија воен персонал во регионот. Во исто време, Европската Унија најави контрамерки доколку САД навистина воведат царини.