Хади Матар, осуден за прободување на авторот Салман Ружди на предавање во Њујорк во 2022 година, по што Ружди остана слеп на едното око, денес беше осуден на 25 години затвор.
Матар беше прогласен за виновен во февруари за обид за убиство и напад, а денес му беше изречена максимална казна од 25 години затвор за обид за убиство на Ружди и седум години за ранување на човекот што беше со него на сцената, но тие нема да бидат споени, туку ќе бидат издржувани паралелно бидејќи законот така вели бидејќи двете жртви беа ранети истовремено. Ружди, кој има 77 години, беше клучен сведок, опишувајќи како маскираниот напаѓач го прободел во главата и телото десетина пати додека бил на сцената зборувајќи за безбедноста на писателите.
Барајќи максимална казна, обвинителот Џејсон Шмит рече дека напаѓачот Матар „самиот го избрал тоа“ бидејќи го планирал нападот „за да може да нанесе најголема штета, не само Ружди, веќе и против 1.400 луѓе кои биле во публиката, а морале да го гледаат тоа“.
Јавниот обвинител Натаниел Барон истакна дека Матар немал кривично досие и оспори дека луѓето во публиката треба да се сметаат за жртви, како и дека барал казна од само 12 години затвор.
ИЗДВОЕНИ
Билатерална средба Мицкоски-Стармер во Тирана: Постигната согласност за договор за стратешко партнерство со Обединетото Кралство
По еден месец затвор за секој загинат, обвинуваат семејствата на жртвите
Палевски во последен обид на докажување невиност, ОЈО му се спротивстави со нови докази
Амбасадор Рафаел Сориано Ортиз: Пред нас е летото, во Шпанија ве очекуваме со раширени раце
