Четири пожари во државава сé уште се активни

Центарот за управувањесо кризи утрово информираше дека според состојба со пожари на 21.07.2025 до 08:00 часот на територијата на државата се евидентирани вкупно 22 пожари на отворен простор, од кои: 4 се активни, 3 се под контрола и 15 се изгаснати.

Активни пожари има во:

Oпштина Василево – с. Нивичино (нискостеблеста шума, смрека, грмушки и ниска вегетација);

Општина Македонски Брод – с. Грешница (мешана шума и сува трева);

Општина Македонски Брод – помеѓу с. Црешнево, с. Локвица и с. Крапа (деградирана дабова шума, грмушки и ниска вегетација);

Општина Прилеп – помеѓу с. Царевиќ и с. Смолани (мешана шума и нискостеблеста вегетација).

Под контрола се ставени пожарите во:

Општина Желино – с. Желино кон Еребино, планина Жеден (нискостеблеста шума, грмушки и ниска вегетација);

Општина Велес – кај с. Џидимирци, Крушје и Иванковци (мешана нискостеблеста деградирана шума);

Општина Струга – помеѓу с. Октиси и с. Белица (сува трева).

Изгаснати се пожарите во: Студеничани – с. Студеничани; Сарај – с. Долно Свиларе; Петровец – с. Горно Коњари; Крушево – с. Селце; Македонски Брод – с. Слатина, м.в. Стојанова Населба; Пробиштип – с. Бунеш; Виница – ул. Славчо Стојменски; Куманово – Градиште; Липково – с. Слупчане; Ранковце – с. Псача, м.в. Гладно Поље; Кратово – с. Железница; Кратово – м.в. Филтер Станица; Гостивар – Депонија; Маврово-Ростуше – с. Дуф; Ресен – с. Покравник.