Централната изборна комисија (ЦИК) на Босна и Херцеговина денеска, ќе одржи седница на која ќе одлучи за распишување предвремени избори за претседател на Република Српска. Седницата е свикана откако Апелациониот оддел на Судот на БиХ ја отфрли жалбата на Милорад Додик против одлуката на ЦИК да му се одземе мандатот како претседател на Република Српска поради правосилна пресуда со која е осуден на една година затвор и шестгодишна забрана за вршење јавна функција.

Според информациите од ЦИК, изборите ќе бидат распишани во законскиот рок од 90 дена од денот на правосилноста на одлуката, што значи дека најновиот датум за одржување на изборите би можел да биде почетокот на ноември 2025 година. Дневниот ред за утрешната седница ќе вклучува и финализирање на Централниот список на избирачи заклучно со 27 август 2025 година во 24:00 часот, како и усвојување упатства за спроведување на изборите и буџетот за таа цел. По седницата, во 14 часот, претседателката на ЦИК, Ирена Хаџиабдиќ, ќе се обрати на јавноста.

Можни сценарија по одлуката на ЦИК

Распишување на избори во законскиот рок

ЦИК на БиХ планира да распише предвремени избори за претседател на РС во законскиот рок од 90 дена од завршувањето на мандатот на Милорад Додик. Според достапните информации, изборите би можеле да бидат закажани уште во првата половина на ноември.

Одбивање на Додик да ја напушти функцијата

Милорад Додик најави можност за оспорување на одлуката на ЦИК преку референдум, иако Уставот на БиХ не дозволува референдуми на ниво на ентитет, што би го направило таков потег неуставен. Сепак, можни се политички опструкции и обиди за отежнување на спроведувањето на одлуката на ЦИК.

Правен и меѓународен притисок

Доколку Додик ја игнорира одлуката на ЦИК, може да се покренат нови правни постапки за неспроведување на одлуките на државен орган. Исто така, меѓународната заедница, вклучувајќи ги ЕУ и САД, може да преземе мерки или да воведе санкции за да обезбеди почитување на владеењето на правото во БиХ.

Политичка мобилизација и протести

Одлуката на ЦИК може да предизвика политички протести и мобилизација на граѓаните, особено меѓу поддржувачите на Додик, што дополнително ја поларизира политичката ситуација во РС и БиХ и создава предизвици за одржување на јавниот ред и стабилност.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ