Медиумите кои важат за блиски до Реал (М) со недели разговараат за тоа како ќе изгледаат „кралевите“ следната сезона, особено откако Карло Анчелоти си заминува.
Италијанецот зад себе остава сериозно наследство и кој и да го преземе Реал (М) ќе има тешка задача да го повтори успехот на легендарниот „Дон Карло“.
Сè укажува дека Чаби Алонсо е избраниот од Флорентино Перез за да го започне создавањето на новата генерација.
Алонсо брзо се наметна како еден од најдобрите тренери во светот, особено по одличната минатата сезона со Баер од Леверкузен кога без пораз ја освои Бундеслигата.
Како што сега стојат работите, Алонсо би можел да најде сосема поинаков Реал (М) отколку што е сега, бидејќи се наѕираат неколку заминувања.
Специјализираниот портал „Defensa Central“ објави листа од шест имиња на кои Алонсо очигледно веќе нема да може да смета.
Голманот Андриј Лунин, дефанзивецот Хесус Ваљехо, дефанзивците Ферланд Менди и Лукас Васкез, средниот бек Лука Модриќ и напаѓачот Родриго наводно се играчите кои стојат на излезна врата.
Најголемото изненадување секако е можното заминување на Родриго, кој е меѓу најценетите играчи на „кралевите“ и најчесто постигнува клучни голови.
Модриќ и Васкез добија продолжување на договорот за две недели за да можат да играат на Светското клупско првенство, а потоа најверојатно ќе си заминат.
„Кралевите“ сигурно ќе донесат голем број засилувања. Флоријан Вирц и Џонатан Тах се можни засилувања од Баер, додека во средниот ред би требало да биде Мартин Зубименди од Реал Сосиедад.
