Делови од Велика Британија и Ирска беа погодени од бурата Клаудија, која донесе поројни дождови, поплави и прекини во електричната енергија. Илјадници домови и бизниси останаа без електрична енергија, а спасувачките служби имаа полни раце работа во текот на ноќта и утрото, објавува „Скај њуз“.

Многу куќи и деловни згради се оштетени поради силните поплави. Во Ирска ситуацијата беше исто така сериозна. Портокалово предупредување за дожд беше во сила за Даблин, Вексфорд и Виклоу до 8 часот наутро, додека жолто предупредување беше издадено за десет други окрузи, главно по должината на источниот и јужниот брег.

Во Северна Ирска, во окрузите Арма и Даун, жолто предупредување за дожд е во сила до пладне во сабота, со прогнози за поплави и опасни услови на патот.

Покрај поплавите, бурата создаде и необична глетка по должината на брегот на Даблин – огромна количина морска пена. Овој природен феномен, кој е создаден од силното пенење на морската вода, беше донесен од ветерот до копното недалеку од Лафшини, создавајќи сцени што ги изненадија дури и најстарите жители.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ