Двократната победничка во Светскиот куп, швајцарската скијачка Лара Гут-Бехрами, има намера да ја заврши кариерата по Олимписките игри во 2026 година. Таа истакна дека планира да се пресели во Лондон следната година за да биде со својот сопруг, поранешниот швајцарски фудбалски репрезентативец Валон Бехрами, за кого рече дека ќе стане спортски директор на англискиот клуб Вотфорд.
- Дефинитивно нема да бидам чистачка – изјави 34-годишната скијачка, навестувајќи дека би сакала да стане мајка.
Гут-Бехрами ги освои титулите на Светското првенство во сезоните 2015/2016 и 2023/2024. Таа има постигнато 48 победи во Светскиот куп и е петта на листата на скијачки на сите времиња. Исто така, освои златен медал во супервелеслалом и бронза во велеслалом на Зимските олимписки игри во Пекинг 2022 година, како и бронза во спуст осум години претходно, во Сочи.
На Светското првенство во Кортина д’Ампецо во 2021 година, освои два златни медала во супервелеслалом и во велеслалом и бронза во спуст. Таа има уште седум медали на светските првенства.
Кортина ќе биде домаќин на Зимските олимписки игри во февруари и тоа ќе бидат четврти Игри за Гут-Бехрами. Таа го пропушти натпреварувањето во Ванкувер, во 2010 година, поради повреда.
