Бројот на паркинг места не бил соодветeн со одобрението за градба

Градоначалникот на општина Карпош заедно со дел од општинските службеници во вторникот посетиле две згради на улица „Никола Парапунов“ и констатирале дека и во двата објекта бројот на паркинг места не се изведени во согласност со одобрението за градба од надлежните служби во општината, иако за тоа постои физичка можност, односно висината на гаражниот простор овозможува паркирање на две нивоа.

-Сопствениците, односно инвеститорите и надзорот ќе бидат повикани во текот на оваа седмица. Во зависност од тоа дали инвеститорите и надзорот ќе го коригираат овој недостаток ќе зависат и мерките кои што ќе ги преземе Општина Карпош против нив – соопштија од локалната самоуправа.