Брнабиќ за Генералштабот: „Ми доаѓа да плачам и да кукам!“

Одлуката на „Афинити партнерс“, во сопственост на Џаред Кушнер, зетот на американскиот претседател Доналд Трамп, да се откаже од изградбата на хотел Трамп на местото на зградата на Генералштабот во Белград, покрена неколку политички, економски и меѓународни прашања. Како што објави „Волстрит џурнал“, повлекувањето дојде „по бран негативни јавни реакции, протести и судски постапки што го придружуваа овој проект“.

Џаред Кушнер и неговата компанија „Афинити партнерс“ ги повлекоа плановите за реновирање на локацијата на Генералштабот, објект уништен за време на бомбардирањето на НАТО, каде што требаше да се спроведе проект под брендот Трамп.

– Кога го гледам ова, навистина ми се плаче. Навистина ми доаѓа да плачам и кукам“, вели премиерката на Србија, Ана Брнабиќ во телевизиска емисија. Овој пат Србија изгуби толку многу. И не се само најмалку една милијарда и 500 милиони евра, и да, толку е. Ова се и нови работни места. Тоа е имиџ. Ова е сега, благодарение на блокадите, имиџот на земја која е целосно непредвидлива и нестабилна за инвестиции. Ова не е една инвестиција. Ова ќе повлече многу нови потенцијални инвестиции што можеа да дојдат во Србија. Кој ќе дојде? Кој ќе дојде кога ќе знае дека кога сакаш да инвестираш во таа земја, имаш цел сегмент од општеството што ќе те блокира.

Брнабиќ се осврна и на други проекти на компанијата „Афинити партнерс“ во регионот, првенствено на планираната инвестиција во Албанија. Ова вклучува изградба на луксузни одморалишта во вредност од 1,4 милијарди долари на островот Сазан, поранешна воена база и единствен албански остров во Медитеранот.

Зборувајќи за начинот на кој таа инвестиција беше пречекана во Албанија, Брнабиќ направи споредба.

– Ја имате Албанија, не можам да кажам, секоја чест, тие го простреа црвениот тепих за истата таа инвестиција, за тој Кушнер, сите заедно. Немате ниту една опозициска партија таму што вели: „Ова е корупција, вака е, вака е, бегајте од тука, ова е ужасна земја, одвратна земја“. Не, сите, сите заедно. Таму нема поделба, тоа е добро за Албанија, рече Брнабиќ во гостувањето на ТВ Пинк.