Првата дама на Франција, Брижит Макрон, ја тужат 343 жени, откако беше објавено видео на кое ги нарекува феминистичките демонстрантки „глупави кучки“. Неколку организации поднесоа тужба за јавна навреда, а бројката на потписничките има историска симболика во францускиот феминизам и произлегува од петиција од 1971 година за легализација на абортусот, во која 343 жени јавно признаа дека прекинале бременост, пишува „Гардијан“.
Контроверзната снимка е направена минатата недела, зад сцената во театарот „Фоли Берже“ во Париз. На неа е прикажана Брижит Макрон во разговор со францускиот актер и комичар, Ари Абитан, кој претходно беше обвинет за силување. Во дел од разговорот, феминистките кои претходната вечер го прекинале неговиот настап извикувајќи „Абитан, силувачу!“, Макрон ги нарекува „глупави кучки“
– Таа е прва дама на Франција, нејзините зборови се важни, рече Жулиет Шапел, адвокатка на феминистичките здруженија што го поведоа случајот, додавајќи: „Се чини дека е многу ангажирана за женските прашања, но можеме да кажеме дека постои несовпаѓање помеѓу нејзините јавни говори и она што навистина го мисли“.
Во меѓувреме, Брижит Макрон се извини, а своите забелешки ги нарече „приватни“ коментари.
ИЗДВОЕНИ
ИЗМЕНИТЕ ВО КРИВИЧНИОТ ЗАКОНИК СТИГНАА ВО СОБРАНИЕТО – Се зголемуваат казните: наместо пет, за злоупотреба на службената должност до десет години затвор
Скопје урива рекорди по отровен воздух, државата скрои мерки за Струмица и за Кичево
Две кошници, едно прашање – со колку навистина може да се живее?
Кочница за бесните возачи – пакетот закони за „Безбеден град“ летаат низ собранискиот филтер
