Трговците се сомневаат дека новиот пакет санкции на ЕУ против Русија сериозно ќе влијае на извозот на руска нафта, објави Ројтерс.
Русија досега успеа да продаде поголем дел од својата нафта по цена повисока од ограничувањата претходно утврдени од западните земји, бидејќи постојниот механизам не прецизира кој треба да го контролира неговото спроведување. Покрај тоа, САД сè уште не се приклучија на новите санкции, а самата Европска Унија има ограничени можности за нивно спроведување, изјавија аналитичарите за Ројтерс.
Во петокот, амбасадорите на ЕУ го усвоија 18-от пакет санкции против Русија, кој вклучува повеќе од 50 поединци и организации, по два месеци дискусии. Како дел од овој пакет, Европската Унија, меѓу другото, ја намалува ценовната граница за купување руска нафта од 60 долари на 47,6 долари за барел, ја исклучува можноста за враќање на работата на гасоводите „Северен тек“ и „Северен тек 2“, воведува ограничувања за танкерите за нафта и банките, како и нови ограничувања за извоз.
Да потсетиме дека, според рускиот заменик-министер за надворешни работи, Александар Грушко, ЕУ го усвои 18-от пакет санкции против Русија и има намера целосно да се откаже од руските енергетски производи, вклучувајќи го гасот и нафтата.
