Полицијата денес продолжи да го претресува домот на Ендру Маунтбатен-Виндзор, еден ден откако беше уапсен и држен во притвор речиси 11 часа под сомнение за злоупотреба на јавна функција, во врска со неговото пријателство со починатиот осуден сексуален престапник Џефри Епстин.
По еден од најтурбулентните денови во модерната историја на британското кралско семејство, поранешниот принц Ендру се врати на имотот Сандрингам, каде што привремено престојува.
Претресот на неговата сегашна резиденција е завршен, а се пребарува и резиденцијата „Ројал Лоџ“, која се наоѓа во паркот во близина на замокот Виндзор, резиденцијата на британскиот монарх.
Неговиот брат, кралот Чарлс Трети, му ја одзеде титулата принц и правото да живее во „Ројал Лоџ“ поради неговата поврзаност со Епстин.
Автомобили без регистарски таблички, за кои се верува дека се на полицијата, влегуваа и излегуваа од резиденцијата во текот на целиот ден.
Ендру Маунтбатен-Виндзор е обвинет за споделување доверливи информации со Епстин додека тој беше трговски претставник, пренесе „Бета“.
ИЗДВОЕНИ
Закана за терористички напад преку „Discord“ – 20-годишник од Мала Речица во притвор
Македонија во ЕУ во 2027 – историска шанса или ново разочарување?!
Од 300 евра во Чаир до 3.800 евра за квадрат во Центар – Куманово е лидер, становите таму поскапеле за 24 %
Храна со поминат рок, ориз со црви, месо со вода… им нема крај на измамите на трговците
