Британците се подготвуваат за апокалипса

Продавниците со опрема за апокалипса предизвикана од нуклеарна војна или некоја друга катастрофа заработуваат сè повеќе пари и имаат сè поголем број клиенти.

„Се започна со „Ковид“, а кога Русија ја нападна Украина, ги распродадовме гас-маските, средствата за нуклеарна заштита, таблети со калиум. За ден и половина имавме продажба во вредност од еден месец. Кога прекинот на струја ги зафати Шпанија и Португалија, продававме радија на ветер на соларна енергија. Јас обично продавам околу 10 неделно, а сега ја продадов целата залиха во еден ден. Конзеривараната храна исто така е респродадена и масовно се купува на локалните пазари“, изјави за Гардијан сопственикот на онлајн продавницата за воена опрема Џастин Џонс за Гардијан.

Дополнително, американските и канадските подкасти за опстанок на отворено се сè попопуларни кај помладите генерации во Обединетото Кралство.

Има огромни резерви на конзервирана храна, флаширана вода, филтри за прочистување на водата, гас-маски, ножеви, самострели и други реквизити што може да се добијат во Велика Британија, чии закони се построги кога станува збор за набавка на огнено оружје, за разлика од САД и Канада. Покрај тоа, најмногу се продаваат повеќенаменски алати, чанти и опрема за кампување.

Препорака на британската влада

Владата на Велика Британија му даде препораки на населението како да се опреми и обезбеди список на неопходни потреби во случај на катастрофа од големи размери.

• Батерија или лампа на навивање – факелите се побезбедни од свеќите, пренослива батерија за полнење на вашиот мобилен телефон.
• Радио на навивање во случај на прекин на електричната енергија – радиото за автомобил може да се користи, но при тешки временски услови можеби е побезбедно да се остане внатре. Резервни батерии за светилки и радија и резервна батерија за секоја медицинска опрема на која се потпирате.
• Прибор за прва помош или некои предмети за прва помош, вклучувајќи предмети како што се водоотпорни фластери, завои, термометар, антисептик, раствор за миење очи, стерилни завои и ракавици, медицинска лента за завои и пинцети.
• Средство за дезинфекција на раце и влажни марамчиња за хигиенски цели кога водата е исклучена.
• Флаширана вода – не постои стандардна бројка за ова бидејќи итни случаи може да се разликуваат по времетраење и луѓето користат различни количини. Светската здравствена организација препорачува минимум 2,5-3 литри вода за пиење по лице дневно за преживување. 10 литри по лице дневно ќе ви направат да се чувствувате поудобно и да обезбедите вода и за готвење и хигиена. Може да биде потребна дополнителна вода за доенчиња, за медицински уреди и за домашни миленици.
• Храната за која не е потребно готвење, како што се конзервирано месо, овошје или зеленчук и отворач за конзерви, како и кај водата, колку ви треба ќе зависи од вашите околности. Бебешките резерви, како што се пелени и детска формула – готовата или „подготвена за хранење“ формула е најдобра бидејќи можеби нема да можете да зовриете вода. Не заборавајте и храна за домашни миленици.