Бред Пит започна нова фаза во животот, неговата партнерка не ја крие среќата

Бред Пит и неговата долгогодишна девојка Инес де Рамон ја подигнаа својата врска на следно ниво и почнаа да живеат заедно. Според списанието „Пипл“, актерот и прекрасната дизајнерка на накит сега ќе почувствуваат што значи вистински заеднички живот.

Бред ја вклучува Инес во сè повеќе свои планови. Кога не патуваат, претпочитаат да се релаксираат дома – откри извор близок до двојката. Тие градат свој простор заедно и навистина уживаат во заедничкиот живот, вели изворот за „Пипл“.

Двојката, која почна да се забавува во 2022 година, првпат се појави заедно на црвениот тепих за време на Венецискиот филмски фестивал во 2024 година. Порано оваа година, Инес често го придружуваше Бред на промоциите на неговиот нов филм за Формула 1.

Тие се посреќни од кога било – друг извор изјави за „Пипл“, додавајќи дека „врската оди одлично“. Оскаровецот според истиот извор, е „пресреќен и заљубен“ и се радува на иднината со Инес. Извор претходно рече дека Бред „обожава што ја има Инес како негова поддршка“, опишувајќи ја како „лежерна, без драма, секогаш тука за него“.

Нивната врска стана уште посилна кога Инес застана покрај Бред по смртта на неговата мајка, Џејн Пит, која почина во август на 84-годишна возраст.

Таа сака да биде тука за него, а Бред ѝ дозволува, и тоа ги зближи, рече тогаш изворот.

Во август, Бред го продаде својот дом во Лос Фелиз на актерот Остин Батлер за 5,2 милиони долари, само три месеци откако имотот беше ограбен. Кратко потоа, „Њујорк пост“ откри дека Пит купил нова, луксузна вила во шпански стил во Холивуд Хилс вредна 12 милиони долари, комплетна со најсовремен безбедносен систем.