Врховниот суд на Бразил во среда нареди поранешниот претседател Жаир Болсонаро да биде ставен во домашен притвор пред неговото судење за заговор за државен удар, нагласувајќи ја решителноста на судот и покрај тоа што американскиот претседател Доналд Трамп ги зголеми царините и воведе санкции.
Судијата Александар де Мораес донесе одлука за куќен притвор за Болсонаро, наведувајќи дека тој ги прекршил ограничувањата што му се наметнати со тоа што наводно го замолил Трамп да се вмеша во неговиот случај.
Болсонаро е на судење пред Врховниот суд по обвинение за заговор со своите сојузници за насилно поништување на резултатите од изборите во 2022 година, на кои беше поразен од претседателот Луиз Инасио Лула да Силва.
Трамп го нарече процесот „лов на вештерки“ и врз основа на него ги зголеми царините за бразилските стоки за 50 проценти, почнувајќи од утре.
Стејт департментот ја осуди одлуката за куќен притвор, велејќи дека Мораес ги користи бразилските институции за да ја замолчи опозицијата и да ја загрози демократијата, додавајќи дека САД „ќе го сметаат за одговорен секој што поттикнува санкционирано однесување“.
Тие не дадоа детали, иако Трамп рече дека САД би можеле да воведат уште повисоки царини за увезената бразилска стока.
