Бостон останува без првата ѕвезда

Кошаркарскиот тим на Бостон е во многу тешка ситуација бидејќи губи од Њујорк никс со 3:1 во серијата, во втората рунда од плејофот на Источната конференција на НБА и се појави голем проблем пред петтиот натпревар. Прашањето е дали најдобриот кошаркар на Селтикс, Џејсон Тејтум, ќе може да продолжи оваа сезона.

Американскиот репрезентативец беше најефикасен поединец на четвртиот натпревар и со 42 поени го држеше Бостон во игра долго време, но се повреди и сега е неизвесно дали ќе игра во остатокот од сезоната. Тој се повреди околу три минути по почетокот на натпреварот, а првичните информации од САД велат дека станува збор за тешка повреда на глуждот. Тејтум не можеше да се потпре на повредената нога и го напушти теренот со помош на медицинскиот тим.

Подоцна во текот на ноќта, од салата се појави снимка на која се гледа како ја напушта салата во инвалидска количка, што ги загрижи сите навивачи на Бостон.