Нико Шлотербек е несомнено еден од најважните играчи во дресот на Борусија од Дортмунд, но германскиот тим е очаен бидејќи тој не сака да го продолжи договорот.
Раководството на Борусија веќе неколку пати се обиде да започне преговори со 25-годишникот за продолжување на соработката, но секој пат беа одбиени.
Угледниот „Билд“ пишува дека Борусија го контактирал Шлотербек минатата недела и дека му дала до знаење дека сака да го продолжи договорот со клубот до летото 2030 година под многу подобри услови отколку што ги има во моментов.
Сепак, Шлотербек брзо даде изјава и им кажа дека нема ништо од тоа и дека сака да го напушти клубот. Познато е дека многу клубови покажаа голем интерес за германскиот репрезентативец, а тој најчесто се поврзува со Барселона, Ливерпул и Баерн (М).
Шлотербек има договор до летото 2027 година и не е исклучено дури ни да го продадат веќе на зима за 40 мил. евра, со оглед на тоа што им даде до знаење дека сака да си оди, а Нико Ковач наводно е најголемата причина за таквата одлука.
Според „Билд“, Шлотербек е незадоволен од системот што го наметнал хрватскиот тренер, и иако неколку пати разговарал со него и го замолил да проба друг систем, Ковач не го послушал.
„Не останувам поради него. Нема ништо што може да се добие од нов договор“, наводно им рекол Шлотербек на челниците на Борусија.
Очигледно, Баерн (М) покажа најголем интерес за него и е подготвен да го доведе во јануари, но прашањето е дали Борусија ќе се согласи толку лесно да го продаде, иако знаат дека во моментов не е среќен.
Тие се надеваат дека ситуацијата околу Шлотербек и Ковач ќе се подобри бидејќи не сакаат да изгубат толку добар дефанзивец, но исто така не сакаат да одат толку далеку и да го сменат тренерот само затоа што еден играч е незадоволен, без разлика колку им значи.
Шлотербек се приклучи на Борусија во летото 2022 година за 20 милиони евра од Фрајбург, а претходно играше за Унион Берлин.
Досега оваа сезона има десет настапи за германскиот тим во сите натпреварувања.
ИЗДВОЕНИ
ИНЦИДЕНТ НА МИГРАНТСКАТА МАРШРУТА НИЗ МАКЕДОНИЈА: Мигранти од Египет и Авганистан го демолирале кампот во Табановце
НОВ ЛОШ ДЕН ВО ВЛАДИНАТА КОАЛИЦИЈА: (НЕ)ПРАВДА ГИ РАЗНИША ПАРТНЕРИТЕ ВО ВЛАДАТА
Бугарите ќе играат „Пајдушко“ во Охрид за Нова година
Доктор Олумчев: Грипот стигна со нова варијанта К, лекувањето со вештачка интелигенција е ризично!
