Противпожарните служби со денови се борат со пожари на неколку места во Црна Гора. Најтешко е сè уште во близина на Подгорица, каде што пожарот гори во неколку населби во ридовите над главниот град на Црна Гора.
Пожари се активни и на територијата на Никшиќ, вториот по големина црногорски град, како и во општините на северот од земјата, Пљеваље, Шавник и Бијело Поље, велат од противпожарната служба.
Успеавме да ги одбраниме куќите во Пипери, во близина на Подгорица, но пожарот се прошири и на други села, како и во областа околу општина Тузи, изјави началникот на противпожарната служба на Подгорица, Никола Бојановиќ.
На црногорските пожарникари им помагаат екипи и летала од регионот.
Иако се утврдуваат причините за големиот број пожари низ Црна Гора, полицијата уапси неколку осомничени за пироманија.
Претходно беше објавено дека е приведен малолетник осомничен за предизвикување пожар во населбата Кучи, во ридовите над Подгорица, каде што црногорски војник загина во несреќа за време на гаснење пожар.
Несреќата се случила кога цистерната со вода што ја возеле се превртела и се лизнала по стрмна падина покрај патот.
На црногорските пожарникари им помага хеликоптер испратен од Србија, како и „канадер“ – авион специјализиран за гаснење пожари што пристигна од Хрватска.
Помош стигна и од Босна и Херцеговина, Италија, Унгарија, Чешка, како и од група пожарникари од Австрија и Швајцарија.
ИЗДВОЕНИ
18-годишен Македонец професионален убиец! Црногорската полиција го бара Андреј.Т за обид за убиство на шкаљарецот Кан
Многу повредени и уапсени во текот на ноќта во Србија! Вучиќ: „Државата ќе мора посериозно да реагира“
ДОДЕКА СЕ ЧЕКА ДРЖАВАТА, КОНЕЧНО, ДА ГИ ДЕФИНИРА УСЛОВИТЕ, СЕ МНОЖАТ КАНДИДАТУРИТЕ: Независните се охрабрија, ќе ги поматат ли партиските есапи?
Крај на евтините нарачки, онлајн шопингот станува поскап
