Еден полицаец е убиен, а двајца други се ранети во експлозија што се случи рано утрово во центарот на Москва, откако напаѓач активирал експлозивна направа покрај патролно возило.
Руското Министерство за внатрешни работи објави дека нападот се случил на плоштадот во близина на железничката станица Савеловски, пишува Гардијан.
Според соопштението на министерството објавено на Телеграм, експлозијата се случила кратко по полноќ. Станицата Савеловски, која се наоѓа во северниот дел на Москва, е еден од главните железнички центри во градот.
🚨 Explosion near Savyolovsky Station in Moscow — bomber and police officer killed
An unidentified man detonated an explosive device next to a traffic police vehicle with officers inside in Moscow. The incident occurred around midnight near Savyolovsky railway station — the man… pic.twitter.com/vcwFbWtjGH
— NEXTA (@nexta_tv) February 24, 2026
Во соопштението се наведува дека напаѓачот им се приближил на сообраќајните полицајци кои седеле во нивното патролно возило, а потоа била детонирана експлозивна направа. Се додава дека напаѓачот, исто така, починал на самото место.
Локалните медиуми објавија фотографии од полициско возило со скршени прозорци во близина на железничките пруги. Областа веднаш била опколена од полицијата, а на местото на настанот пристигнале неколку амбулантни возила.
🚨 Moscow Explosion : What We Know
• Blast near traffic police vehicle
• 1 officer killed
• Attacker dead
• 2 officers injured
• Criminal case openedDeveloping story.#RussiaNews #MoscowBlast pic.twitter.com/TwigHqwR7T
— VARTA ( वार्ता ) (@varta24news) February 24, 2026
„Истражителите утврдија дека непознато лице извршило самоубиствен напад покрај возило на сообраќајната полиција на плоштадот во близина на железничката станица Савеловски во Москва. Неговиот идентитет сè уште се утврдува, а наредено е и вештачење“, официјално информираше претставничката на Истражниот комитет на Руската Федерација Светлана Петренко, пренесува ТАСС.
Во овој напад, еден сообраќаен полицаец и самиот напаѓач починаа на лице место, додека двајца полицајци беа префрлени во медицинска установа.
