„Болна“ победа за Холанѓаните: Французите прогласија белгиски „Гауда“ за најдобриот кашкавал во светот

Белгиски производител на кашкавал ја освои наградата за најдобро тврдо сирење во светот на престижниот натпревар за сирење во Франција.

Млекарницата „Гроендал“ од Румбеке, Фландрија, ја освои наградата за својот кашкавал „гауда“, „Ансиен Белгик“ – прв пат по пет години, кашкавал кој не е од француско потекло ја освои главната награда на годишниот Concours Internationale de Lyon.

Млекарницата на Инстаграм изјави дека е „многу горда“ на својот успех на натпреварот: „Голема чест е белгиско тврдо сирење да биде избрано за најдобро тврдо сирење во светот, на најголемиот натпревар за сирење во Франција, земјата на сирењето par excellence“, рекоа тие, според „Браселс тајмс“.

На натпреварот учествуваа повеќе од 2.000 сирења од 23 земји. Тие беа оценувани од 630 судии, кои ги оценија според пет критериуми: вкус, изглед, текстура, рамнотежа и арома, и им беа доделени оценки од 100 поени. Gouda Ancienne Belgique доби совршени 100 од 100 поени.

Менаџерот Луј-Филип Девер изјави за „ВРТ“ дека тој и неговите колеги „морале повторно да ги погледнат сертификатите кога пристигнале, на кои пишувало дека сме освоиле златни медали со три сирења“.

„На еден исто така пишуваше „Најдобро тврдо сирење во светот“. Но, не бевме сигурни дали нашето тврдо сирење навистина било прогласено за најдобро тврдо сирење на целото натпреварување или само за најдобро белгиско тврдо сирење. Мојот брат на крајот се јави да провери. И тогаш се покажа дека нашето сирење навистина било прогласено за најдобро сирење во светот“.

Белгиската победа беше опишана како „болна“ во весникот De Telegraaf. „Фламанците нè надминуваат не само по нашата национална гордост, туку и по нашиот сопствен заштитен знак“, напиша холандскиот дневен весник, како што објави The Bri

Тврдото сирење „гауда е именувано по холандскиот град јужно од Амстердам, од каде што потекнува. Додека „Гауда Холанд“ е заштитен производ во рамките на ЕУ и може да се произведува само во Холандија, со употреба на млеко од холандски крави, името „гауда“ се користи како општ термин за сирења произведени во холандски стил.

Во млекарницата „Гроендал“, нивната цел е да прават „тврди сирења што се топат во устата“.

„Оваа комбинација од нашите два соседа со сирење – тврдо холандско сирење со зачинет вкус на меко француско сирење – е совршена комбинација“, изјави Девер за De Telegraaf.