Блокади на сообраќајот низ Србија

Граѓанската непослушност и блокадите на клучните патишта низ Србија продолжуваат. Блокадите се одржуваат на околу 20 места во Србија: Белград, Нови Сад, Младеновац, Крушевац, Чачак, Суботица, Краљево, Пожаревац, Смедерево, Лајковац, Лазаревац, Лесковац, Параќин, Чуприја, Горњи Милановац, Сремска Митовица, Шабац, Нови Пазар, пренесува Н1.

Неколку стотици студенти вечерва ја блокираа раскрсницата пред зградата на Студентскиот културен центар (СКЦ) во Белград, на повик на академици кои ја блокираат културната институција од средината на февруари.

На двата краја од улицата Ресавска – кон паркот Мањеж и кон булеварот „Крал Александар“, поставени се контејнери и метални огради, исто како и на улицата Масарикова, објави репортер на агенцијата „Бета“.

Како што објави „Н1“, граѓаните го блокираат сообраќајот со постојано преминување на пешачкиот премин во круг, додека полицијата повремено ги поместува настрана и го пропушта сообраќајот кон аеродромот.

Студентите и граѓаните на Ниш блокираа неколку раскрсници. Собирите засега се одвиваат без инциденти. Граѓанските собранија на градските општини во Ниш, кои ги организираа блокадите, ги предупредија собраните да избегнуваат конфликти со полицијата и да бидат „како вода“.

Денес се навршуваат осум месеци од уривањето на настрешница во Нови Сад, а граѓаните одржаа комеморативен собир во градот на местото на трагедијата. Потоа, граѓаните фрлаа ѓубре пред канцелариите на СНС во градот.

Вчера, студентите повикаа на прекин на работата додека не се исполнат нивните барања.

Студентите на Правниот факултет објавија дека сите уапсени за кривично дело кршење на уставниот поредок се ослободени, обвинителството најави жалби. Пред Третиот основен суд се одржа митинг за поддршка поради апсењето на матурантот Божо Васовиќ, кој беше ослободен кратко по 9:30 часот наутро.