Украинскиот претседател Володимир Зеленски изјави дека очекува да се спроведе договорот според кој Русија нема да ги напаѓа Киев и другите украински градови една недела поради суровите зимски временски услови, како што најави американскиот претседател Доналд Трамп.
Зеленски рече дека наредните денови ќе покажат дали Москва ќе се придржува до договорот.
„Нашите тимови разговараа за ова во Обединетите Арапски Емирати. Очекуваме договорите да бидат спроведени“, напиша Зеленски на социјалната мрежа Икс. „Чекорите кон деескалација придонесуваат за вистински напредок кон завршување на војната“.
Зборувајќи веднаш потоа во своето видео обраќање преку ноќ, Зеленски му се заблагодари на Вашингтон за иницијативата, која ја опиша како запирање на руските напади врз енергетските цели.
„Благодарност до американската страна за нивните напори да обезбедат прекин на нападите врз енергетските објекти во овој момент и да се надеваме дека Америка ќе успее во тоа“, рече тој. Ќе видиме каква е вистинската ситуација со нашите електрани и градови во деновите и ноќите што доаѓаат“, додаде Зеленски.
