Бизарно: Тенисерите ќе мора да се тушираат во присуство на надзорно лице

Од страна на

19/04/2025 19:35

395

Тениската агенција за интегритет (ITIA), истата која доби многу критики поради тоа што веднаш не ги обелодени двата позитивни допинг теста на Јаник Синер и го прикри неговиот случај од март до август минатата година, воведе ново правило кое сигурно ќе иритира многумина.

Играчите ќе мора да се тушираат под надзор на лицата задолжени за допинг процедурата“, пренесува „Championat“.

„Ги замолуваме тенисерите да ги почитуваат правилата и да останат во видик на одговорното лице во тој период додека се тушираат.

Ова правило важи за периодот по натпреварите, и пред самиот допинг тест. ИТИА (Меѓународна агенција за интегритет во тенис) има и предлог за оние кои се чувствуваат непријатно:

„Доколку на играчите им е непријатно да бидат надгледувани додека се тушираат, им препорачуваме да размислат дали туширањето е навистина неопходно пред да дадат примерок за допинг. Доколку не останат пред одговорното лице додека се тушираат ќе се смета за сериозно прекршување“.

Сепак, според поранешната светска број 1 и тренер на Серена Вилијамс, Рене Стабс, ова правило не е ништо ново:

„Отсекогаш моравме да се тушираме со отворена врата. Луѓето кои ги прават допинг тестовите се со нас од моментот кога го напуштаме теренот, па дури и додека се тушираме. Не разбирам зошто тоа се истакнува сега“.