Вредноста на биткоинот (BTC) падна за 6,91 проценти на 58.625,63 евра денес во 16 часот на најголемата светска берза за криптовалути „Бајненс“ (Binance).
Вкупниот обем на тргување со биткоин во последните 24 часа е 77,32 милијарди евра, што е значително повисоко од вчера.
Индексот на страв и алчност за биткоинот моментално е на ниво 12 во категоријата „екстремен страв“, за нијанса повисоко од вчерашните 14, што укажува на многу лошо расположение на пазарот.
Падот на биткоинот е поврзан со општо чувство на неизвесност и промена во инвестициските трендови, при што инвеститорите повлекуваат пари од ризични акции и инвестираат во постабилни акции, објавува CoinDesk.
Биткоинот почна да паѓа во неделата по првата вест дека Кевин Ворш ќе биде изборот на Трамп за нов претседател на Федералните резерви по истекот на мандатот на Џером Пауел во мај.
Инвеститорите го гледаат Ворш како застапник на строга монетарна политика, односно некој што поддржува повисоки каматни стапки и помала ликвидност, што е неповолно за ризични класи на средства како што се криптовалутите.
Вредноста на етереумот (ETH) денес падна за 7,56 проценти на 1.710,84 евра, а вредноста на binance coin (BNB) за 9,05 проценти на 566,28 евра. Криптовалутата Solana (SOL) падна за 6,82 проценти на 73,93 евра, а Avalanche (AVAX) за 8,66 проценти на 7,56 евра.
Криптовалутата на Telegram, Toncoin (TON), денес се продава за 1,17 евра, што е за 0,58 проценти повеќе од вчера, објави „Танјуг“.
Биткоин, Ethereum и Solana се најтргувани денес. Криптовалутите C98, CHEŠ и PARTI моментално бележат најголем раст.
ИЗДВОЕНИ
Полицијата конфискува, судот одлучува – враќањето на одземените возила може да трае со месеци
“Живите газеа да излезат надвор, мртвите ги положувавме на паркинг“
И по седум часа чекање на аеродромите – ЕУ неподготвена за биометриска идентификација
Почина маж од Тетово по компликации од грип, состојбата со вирусот се смирува
