Бистар ум и по 50-годишна возраст:  Јадете го ова секој ден и вашиот мозок ќе работи беспрекорно

Премногу шеќер и брза храна го ослабуваат вниманието и меморијата, затоа направете промена во секојдневните прехранбени навики и додадете неколку јаткасти плодови во вашето дневно мени.

Можеби дури сте се фатиле себеси како заборавате зошто сте влегле во соба или ви е тешко да се сетите на името на пријател, или го барате мобилниот телефон додека го држите в рака?! По 45-тата година, ваквите моменти стануваат почести, а многу луѓе се прашуваат: дали ова е првиот знак на стареење?

Добрата вест е дека мозокот не е „машина“ што се троши, туку жив орган способен да создава нови врски во текот на целиот живот. Лошата вест – ако не ја тренираме, нашата меморија навистина станува „мрзелива“.

Движете се секој ден

Физичката активност е најдобриот „доктор“ за мозокот. Одењето, вежбањето, па дури и домашните движења ја подобруваат циркулацијата и снабдувањето со кислород.
Истражувањата покажуваат дека прошетка од 20-30 минути дневно го намалува ризикот од деменција до 40%.

Тренирајте го вашиот мозок како мускул

Мозокот ги сака задачите и предизвиците. Не е важно дали станува збор за крстозборки, готвење нов рецепт, користење апликација, читање различни книги или меморирање песна – важно е да не е рутинско.

Хранете се здраво

Исхраната директно влијае на меморијата. Мозокот особено сака риба богата со омега-3 масни киселини (лосос, скуша, харинга), јаткасти плодови и семки, бобинки, маслиново масло и зеленчук.

Грижете се за вашиот сон

За време на спиењето, мозокот ги „сортира“ информациите и ги пренесува во долгорочната меморија. Ако спиењето е кратко или нередовно, прво страда меморијата.

По 45-годишна возраст, се препорачува да спиете најмалку 7 часа, со одење во кревет и будење во исто време.

Негувајте контакти и емоции

Разговорот во живо е силен стимул за мозокот. Споделувањето спомени, смеата, па дури и расправиите го поттикнуваат создавањето нови врски во мозокот. Осаменоста, од друга страна, го забрзува когнитивниот пад.

Меморијата не е дар што исчезнува еднаш, туку вештина што може да се одржува и развива на која било возраст. По 45-годишна возраст, особено е важно да се воведат здрави навики: вежбање, ментален тренинг, правилна исхрана, добар сон и дружење.

Заборавањето каде ви се очилата не е трагедија, туку ситница на која можете да се смеете. Најважно е никогаш да не го оставите мозокот без „работа“.