Билка за борба против анемијата: Расте на „секој чекор“ во Македонија, а крвната слика ја прави беспрекорна

Кога станува збор за храна богата со железо, сите помислуваат на црвено месо. Сепак, малкумина знаат дека еден од најмоќните природни извори на овој минерал се наоѓа насекаде околу нас во копривите.

Оваа често занемарена билка, особено нејзините млади листови, е богата со железо, но и со витамини Ц и К, кои помагаат подобро да се апсорбира од телото. Затоа се користи со векови за зајакнување на крвта и целокупното здравје.

Железото е од суштинско значење за телото бидејќи помага во создавањето хемоглобин, транспортира кислород низ целото тело и го зајакнува имунолошкиот систем. Неговиот недостаток може да доведе до замор, слабост и намален имунитет. Препорачаниот дневен внес е околу 8 мг за мажи, 18 мг за жени, а на бремените жени им се потребни до 27 мг.

Покрај копривата, постојат и други растителни намирници кои придонесуваат за здрава крвна слика.

Спанаќот е еден од најбогатите извори на железо, особено кога се комбинира со витамин Ц. Сувите кајсии, смоквите и сувото грозје се практична и хранлива ужина, додека цвеклото, благодарение на железото и фолната киселина, дополнително помага во создавањето црвени крвни зрнца. Јагодите, иако не содржат големи количини железо, значително ја подобруваат неговата апсорпција поради високата содржина на витамин Ц.

Природата нуди едноставно и прифатливо решение за подобра крвна слика. Со вклучување на коприва и разновидно овошје и зеленчук во вашата дневна исхрана, можно е природно да се зголемат нивоата на железо и да се врати енергијата без скапи додатоци.