Бидна и дологочекуваниот спектакл: Тејлор Свифт и Тревис Келси се венчаа, њујоршката церемонија ја водеше актерот Адам Сандлер

Поп-ѕвездата Тејлор Свифт и американскиот фудбалер Тревис Келс официјално се венчаа за време на церемонија полна со познати личности, чиј домаќин беше комичарот Адам Сандлер.

Двојката носеше креации од „Кристијан Диор“, според долгогодишниот публицист на Свифт. Тие одлучија да немаат деверици или сватови. Наместо тоа, братот на Свифт, Остин, беше во улогата како нејзин кум, додека пензионираниот американски фудбалер Џејсон Келс беше кум на младоженецот, објави „Би-би-си“.

На церемонијата во „Медисон Сквер Гарден“, која го затвори еден од најпрометните булевари во Њујорк, присуствуваа некои од најголемите ѕвезди на Холивуд.

Актерите Хју Грант и Џејсон Судеикис, пејачот Бенсон Бун и моделката Џиџи Хадид беа меѓу присутните.

Орди обожаватели се собраа пред арената во текот на целиот ден, некои пеејќи ги познатите песни на Тејлор Свифт и носејќи концертни облеки, додека други се качуваа на скелето со надеж дека подобро ќе видат што се случува внатре.

Прославата започна во четврток, 2 јули, во мал обем, со околу 100 луѓе наводно присутни. Во жалбата поднесена до градот Њујорк се вели дека станува збор за „пред-забава“.

Настанот во петокот беше многу поголем, со џиновски шатор поставен пред арената.

Колона од црни автомобили помина низ објектот, дозволувајќи им на многу гости да го прикријат своето пристигнување додека улиците на центарот на Менхетен беа затворени.

Тери Пејн, долгогодишниот публицист на Тејлор Свифт, потврди за Би-Би-Си дека двајцата се венчале во петок во Њујорк, откривајќи детали од церемонијата.

Отприлика во исто време, џиновските билборди околу „Медисон Сквер Гарден“ беа осветлени со пораката „Штотуку венчани“ „JUST&T MARRIED“ – двете „Т“ се почит кон првите букви од нивните имиња.

Пејн вели дека Свифт и Келси носеле креации од Џонатан Андерсон, креативниот директор на „Диор“, кои тој ги создал во соработка со невестата и младоженецот.

„Ова е првата венчаница од висока мода на дизајнерот, за светски позната ѕвезда“, вели Пејн, додавајќи дека чевлите се специјално дизајнирани од Кристијан Лубутен и дека невестата носела накит од „Картие“.

Актерот Хју Грант и неговата сопруга Ана Елизабет Еберштајн пристигнаа во „Медисон Сквер Гарден“ облечени за пригодата. Getty Images. Актерот Хју Грант и неговата сопруга Ана Елизабет Еберштајн беа меѓу 1.000-те гости. Полициската управа на Њујорк ги затвори улиците околу местото на настанот за тој ден, а беа поставени и бариери за да се спречи влегувањето на возила и пешаци.

Иако беа поставени завеси и шатори за да се заштитат гостите од толпите камери и желните обожаватели, многу од нив беа фотографирани додека ги напуштаа своите хотели и пристигнуваа на свадбата.

Моделката Џиџи Хадид пристигна во розов, светкав фустан со момчето, актерот Бредли Купер, а тие беа фотографирани додека одеа кон „Медисон Сквер Гарден“, како и актерката Дакота Џонсон.

Беа забележани и неколку од соиграчите на Тревис Келс од „Канзас Сити Чифс“, додека некои познати личности излегоа од своите автомобили под голем шатор за приватност.

Тука беше и телевизискиот водител Греам Нортон, кој доби покана за време на појавувањето на Тејлор Свифт во неговата емисија на „Би-би-си“.

Актерот Итан Хоук беше исто така меѓу гостите во „Медисон Сквер Гарден“.

Свифтис, како што се нарекуваат најпосветените обожаватели на Тејлор Свифт, беа на секој агол во близина на местото на настанот, а имаше од сите генерации.

Возбудата растеше како што почнаа да пристигнуваат повеќе возила со затемнети прозорци, некои жмиркаа за да видат кој ќе излезе од своите автомобили.

Некои ги пееја своите омилени стихови од песните на Тејлор Свифт, други извикуваа „те сакаме, Тејлор“, надевајќи се дека е доволно блиску за да ги чуе.