На црвениот тепих на овогодинешните BAFTA награди во Лондон, сите очи беа вперени во Моника Белучи, која уште еднаш покажа зошто се смета за една од најубавите жени во светот.
Моника Белучи уште еднаш докажа зошто со години е синоним за безвременска убавина и елеганција.
На овогодинешните BAFTA награди во Лондон, таа го украде шоуто на црвениот тепих и несомнено беше една од најдобро облечените дами на вечерта.
Познатата италијанска актерка блесна во елегантен црн фустан од Стела Мекартни, кој совршено ја истакнуваше нејзината женствена фигура. Креацијата ја надополни со прекрасна огрлица од новата колекција Cartier High Jewelry, која на целото издание му даде дополнителна доза на гламур и луксуз. Нежна шминка, лабава коса и нејзината препознатлива самоуверена насмевка го заокружија изданието достојно за најголемите светски сцени.
Моника позираше за фотографите, топло мавташе кон толпата и зрачеше со самодоверба и шарм. Иако овој пат не ја освои наградата, таа им ги додели наградите на победниците на сцената и ги засени многу од нејзините помлади колеги.
Особено е импресивно колку добро изгледа на 61 година – нејзиниот изглед уште еднаш потврдува дека стилот, харизмата и елеганцијата се безвременски.
Иако пред шест месеци ја заврши својата двегодишна врска со познатиот режисер Тим Бартон, се чини дека ништо не може да ѝ ја расипе насмевката во моментов.
