„Без Турција, ќе се удавевме во нелегална миграција“: Орбан вели дека „животот во Европа би бил неподнослив без политиките на Ердоган“/ВИДЕО

Унгарскиот премиер Виктор Орбан денес, за време на посетата на Анкара, изјави дека Европа ќе „се удави во нелегална миграција ако не беше Турција“.

„Стотици илјади луѓе се запираат на турските граници секоја година, а милиони се спречени да продолжат кон Европа. Унгарија стои со Турција за да се препознаат достигнувањата на Анкара“, наведе Орбан на платформата X.

Тој особено му се заблагодари на турскиот претседател Реџеп Таип Ердоган за запирањето на нелегалните мигранти.

„Ја користам оваа можност да му се заблагодарам на претседателот Ердоган за неговата миграциска политика. Ако Анкара не ја заштитеше Европа и не беше бариера за Унгарија од југ, животот во Европа ќе беше неподнослив. Турција го запре сето тоа и во име на Унгарија ви благодарам“, рече Орбан.

We'd be drowning in illegal migration if it weren’t for Türkiye. Hundreds of thousands stopped at their borders each year, and millions kept from progressing further into Europe. Hungary stands with Türkiye and will ensure their efforts are recognised. Thank you, President… pic.twitter.com/W4dYDHKZrg

— Orbán Viktor (@PM_ViktorOrban) December 8, 2025

За време на посетата, Турција и Унгарија потпишаа неколку договори во областа на воздухопловството, безбедноста, технологијата, културата и образованието.

Постигнат е договор за формирање на Заедничка група за планирање – механизам што треба да овозможи поинституционализиран пристап кон билатералните и глобалните прашања.

Амбициозната цел за обемот на трговијата меѓу Турција и Унгарија беше обновена – од претходните шест милијарди на цел од 10 милијарди долари.