Без ничија помош, три недели го чистат каналот Ѓавато

Никој од жителите, ни сопствениците на нивите или некоја институција, не дошле да им помогнат

– Имаат некаква поддршка со алати, но друго би било да има уште неколку луѓе. Уште некој ден работа, сами, двајцата, ќе ја завршат целата траса од 500 метри. Барале трактор или приколка за да им помогне некој да ги изнесат отпадот и тревата, не знам дали нашле. Ако може некој да им помогне, би било фино – сподели познатата инфлуенсерка, Ина Многуфина, на „Фејсбук“

Ова е една необична приказна за двајцата локални „суперхерои“, другарите Самир Пајтон и Бранко Караколев од Нов Дојран. Невообичаено е тоа што тие сами се нафатиле заедно да го чистат каналот на Ѓавато. Бидејќи и двајцата се невработени и преку ден чекаат дали некој ќе ги ангажира за дневница, работат на чистење на каналот само попладне. Тие веќе три недели чистат.

Лани забележале дека водата се излева во околните ниви, па ги исчистиле критичните точки. Сега кога разбрале дека повторно ќе се активираат пумпите, одлучиле да го средат целиот простор за да тече водата нормално во езерото, а не во околните ниви. Никој од жителите, ни сопствениците на нивите или некоја институција, не дошле да им помогнат.

– Имаат некаква поддршка со алати, но би било друго да има уште неколку луѓе. Уште некој ден работа, сами, двајцата, ќе ја завршат целата траса од 500 метри. Барале трактор или приколка за да им помогне некој да ги изнесат отпадот и тревата, не знам дали нашле. Некој ако може, фино би било да им помогне – сподели на „Фејсбу“ познатата инфлуенсерка, Ина Многуфина.