Барселона ја освои титулата во шпанската Ла Лига, но и понатаму се дискутира за натпреварот од 35. коло во кој каталонскиот гигант на домашен терен го совлада Реал (М) со 4:3. Иако имаше две асистенции, напаѓачот на Реал (М), Винисиус Јуниор беше на удар на критики по натпреварот.
Бразилската ѕвезда повторно го привлече вниманието со своето однесување. Винисиус го мачеше повредата на скочниот зглоб, па во 75. минута најпрвин побара замена, за набрзина да му покаже на Карло Анчелоти, кој веќе го подготвил Ендрик, дека сепак не сака да ја напушти играта. Ендрик на крајот влезе на местото на Лукас Васкез, а на десната бековска позиција мораше да се пресели Федерико Валверде, кој му сугерираше на Анчелоти дека повредениот Винисиус сепак треба да биде надвор од теренот. Анчелоти потоа го замени Винисиус во 88. минута.
Алваро Бенито, поранешиот играч на Реал и поранешен тренер на младинците на мадридскиот клуб, по натпреварот проговори за Винисиус. „Подобро е да не зборуваме за тоа што го направи Винисиус. Срамота е, срамота е“, изјави тој за „Carrusel Deportivo“ и продолжи:
“Новиот тренер ќе има полни раце работа, ќе мора да го промени менталитетот на некои играчи. Не можете да играте фудбал како Винисиус, да браните простор со очи, да избегнувате контранапади, да не го чувате противникот, да не притискате… Настапот на Винисиус беше сличен на оној на Родриго во финалето на Копа дел Реј. Тој е очаен”.
