Белорусија: Системите за противвоздушна одбрана соборија неколку заскитани дронови

Белоруските системи за воздушна одбрана соборија неколку беспилотни летала што влегоа во воздушниот простор на земјата преку ноќ, објави денес началникот на Генералштабот на Белорусија, Павел Муравејко.

„За време на ноќната размена на напади со беспилотни летала меѓу Руската Федерација и Украина, дежурните сили и средствата за воздушна одбрана на Република Белорусија постојано ги следеа беспилотните летала што го изгубија курсот поради ефектите од електронското војување“, рече тој.

Тој додаде дека Полска синоќа ја известила белоруската страна за приближувањето на неидентификувани летала од територијата на Украина и дека белоруските сили уништиле некои од залутаните беспилотни летала над нејзината територија, објави ТАС.

„Размената на информации за воздушната состојба е важна компонента за обезбедување безбедност во регионот како целина и придонесува за воспоставување мерки за градење доверба и зајакнување на безбедноста“, рече тој.

Муравејко истакна дека Белорусија ќе продолжи да ги спроведува своите обврски во рамките на размена на информации за воздушната состојба со Полска и балтичките земји, велејќи дека Минск веќе ги пренел овие информации до Варшава и Вилнус.

Полските власти претходно објавија дека утрово собориле неколку руски беспилотни летала што влегле во полскиот воздушен простор, а дека остатоците од едно се пронајдени во близина на Лублин, пренесува Танјуг.