Белгија денеска го отфрли планот за користење на замрзнатите руски средства за поддршка на економијата на Украина и воените напори во следните две години.
Владата во Брисел изјави дека шемата носи значителни финансиски и правни ризици, објави АП.
Буџетските и воените потреби на Украина за 2026 и 2027 година се проценуваат на околу 130 милијарди евра, а Европската унија вети дека ќе обезбеди значителен дел од тие средства.
ЕУ веќе инвестираше околу 170 милијарди евра во Украина од почетокот на војната во 2022 година, а сега најголемиот достапен прилив на пари за тие потреби би можел да дојде од користење на замрзнатите руски средства.
Поголемиот дел од тие пари се во Белгија и изнесуваат околу 194 милијарди евра заклучно со јуни.
Следниот најголем износ на руски пари е надвор од Европската Унија, во Јапонија (околу 45 милијарди евра), потоа во САД, Велика Британија и Канада, каде што износот на овие средства е многу помал, наведува АП.
ИЗДВОЕНИ
ПОЧНА ПРЕСТРОЈУВАЊЕТО ВО РЕДОВИТЕ НА НАЈГОЛЕМАТА ОПОЗИЦИСКА ПАРТИЈА: Нов почеток или очајнички потег – Филипче тргна со промени во партијата!
Во опасност водата за пиење, нерационалното трошење ги секна чешмите?
Американски конгресмени побараа од Трамп да го стабилизира Балканот
Платите на информатичарите во приватниот сектор надминуваат 2.500 евра
