Бела Хадид е во болница, во ужасна состојба – мајка ѝ си ја отвори душата: „Минуваш низ пекол, болно е да гледам како страдаш, но ти си воин“

Јоланда Хадид, поранешната ѕвезда на „Домаќинките од Беверли Хилс“, 61, отворено проговори за болката низ која поминува нејзината ќерка, познатата манекенка Бела Хадид, додека се бори со хроничната Лајмска болест. Во четврток, 18 септември, Јоланда објави на Инстаграм серија фотографии од Бела од болницата и емотивна порака за нејзината состојба.

„Како што можете да замислите, гледањето како мојата Бела тивко страда, ги разбуди најдлабоките чувства на беспомошност во мене“, напиша таа. „Невидливата попреченост на хроничната невролошка Лајмска болест е тешко да се објасни или разбере на некого. Се обидувам да бидам пример во нашето патување со Лајмската болест, но мојата болка не е ни блиску до она што го чувствувам кога го гледам моето дете како страда.“

Јоланда, која се бори со Лајмска болест од 2012 година, призна дека во последните години е помалку гласна за сопствените борби за да се фокусира на лекување и поддршка на своето семејство.

Во емотивна порака, Јоланда ја нарече Белита „воин“ и ја опиша нејзината борба како „непознат пекол“.

„Моја прекрасна Белита: ти си неуморна и храбра. Ниедно дете не треба да страда во своето тело од неизлечива хронична болест. Ти се восхитувам на твојата храброст и волја да продолжиш да се бориш за твоето здравје и покрај неуспешните протоколи и бројните разочарувања. Нема доволно силни зборови за да се опише темнината, болката и пеколот низ кој поминуваш од твојата дијагноза во 2013 година. Не си живеела навистина, туку си научила да преживуваш во затворот на сопствениот, парализиран ум“, напиша Јоланда.