Најмалку 12 лица се повредени во центарот на DHL во Лангенцен, област Бургграфенхоф во Германија, во петокот наутро, откако во сомнителен пакет бил пронајден „бел прав“.
Според локалните медиуми, полицијата соопштила дека станува збор за инцидент со опасни материјали, а околу 100 служби за итни случаи биле на местото на настанот, објави Дејли Мејл.
Според извештаите, неколку вработени во поштенскиот центар дошле во контакт со непознат бел прашок на пакетот, а супстанцијата пронајдена од надворешната страна на пратката наводно предизвикала иритација.
Локалната противпожарна служба веднаш поставила пункт за деконтаминација на местото на настанот, а на повредените им била укажана медицинска помош внатре во центарот. Итните служби се обидуваат да стапат во контакт со испраќачот на пакетот, но засега безуспешно.
Голем број служби за итни случаи остануваат на теренот, вклучувајќи тимови за опасни материјали и спасувачки хеликоптер. Се повикуваат граѓаните да го избегнуваат теренот додека состојбата не се прогласи за безбедна.
ИЗДВОЕНИ
Владата отвора нов канал за директна комуникација со повредените во трагедијата во Кочани – 070 355 526
ВМРО-ДПМНЕ: Две милијарди евра инвестиции во железничкиот сообраќај, брза пруга Табановце-Гевгелија
Денеска православните христијани ја одбележуваат Задушница, ден за молитва за душите на упокоените – утре се празнува Педесетница – Слегување на Светиот дух
Се враќаат дома! Последните двајца пациенти повредени во пожарот во Кочани по лекување во Србија се отпуштени од КЦС
