Фудбалерот на Атлетик Билбао, Нико Вилијамс, веќе долго време е на радарот на Барселона, но очигледно е дека се наѕира крајот и дека наскоро ќе стави потпис на толку посакуваниот договор.
Прво беше на радарот на Арсенал, а потоа Баерн одеднаш се вмеша и се обиде на секој начин да го доведе, но тој цело време ја чекаше понудата од Барселона, која сега, конечно, ја доби.
Имено, Барселона и Нико Вилијамс постигнаа договор и тој ќе потпише шестгодишен договор. Новиот играч на Барселона ќе заработува помеѓу 7 и 8 милиони евра годишно, што е помалку од очекуваното.
Барселона сега се обидува да се договори за трансферната цена со Атлетико Билбао, но играчот има откупна клаузула од 62 милиони евра.
Оваа информација ја потврди и добропознатиот спортски новинар Фабрицио Романо.
- Нико Вилијамс и Барселона се согласија за шестгодишен договор. Сè е договорено помеѓу играчот и клубот. Договор до јуни 2031 година и плата од околу 7 или 8 милиони евра од сезона. Барселона го финализира договорот со Атлетико – пишува Романо.
Претседателот на Барселона, Жоан Лапорта, претходно зборуваше за трансферите и најави доаѓање на големо засилување.
- На прагот сме на голем трансфер. Ќе го доведеме играчот што го сакаме – рече Лапорта, а очигледно е дека тоа ќе биде Нико Вилијамс.
ИЗДВОЕНИ
Младите нема да прифатат плата од 30 илјади кога без виза, со лет од 15 евра, може да работат каде што сакаат
Обезбедени пари за зголемување на платите и на пензиите
За повредените освен македонски доктори, се грижат и странски експерти-лекар од Словенија ќе ги третира пациентите со ампутации
Тепачка во Советот на Општина Кочани/ВИДЕО
