По успешната сезона зад себе, Барселона веќе се подготвува за следната, а во Каталонија сега завршија одлична работа, односно трансфер. Под водство на тренерскиот штаб на Ханси Флик, Барселона освои три трофеи минатата сезона и нема сомнение дека имаат одлична основа за следната сезона. Прво го освоија Суперкупот на Шпанија, потоа Купот на кралот, а „шлагот на тортата“ беше титулата во шпанското првенство, која ја освоија „точно пред“ своите најголеми ривали – Реал Мадрид.

Барселона е еден од ретките европски гиганти кои не учествуваат на овогодинешното издание на Светското клупско првенство, што им овозможува да се подготват за следната сезона без притисок од резултатите. Иако каталонскиот клуб веќе има многу добар играчки кадар, амбициите на тимот се високи и ова лето дополнително ќе ги зајакнат своите редови со квалитетни играчи.

Пред неколку дена го официјализираа првиот трансфер во летниот преоден рок, а тоа беше голманот Жоан Гарсија кој дојде од Еспањол за сума од 25 милиони евра. Гарсија беше доведен како прв избор на голманската позиција на тимот и потпиша договор кој ќе важи шест години, до летото 2031 година. Сепак, тоа беше само почеток на активностите на Барселона на трансфер пазарот во овој преоден рок, а се очекуваат повеќе потписи за каталонскиот клуб во наредниот период.

Познатиот спортски новинар Фабрицио Романо сега објави вистинска бомба и објави дека Барса постигнала договор со уште еден талентиран играч. Станува збор за 19-годишниот Руни Бардѓи, кој ќе дојде од дански Копенхаген.

Руни е роден во Кувајт, но се преселил во Шведска кога имал само шест години и решил да игра за Швеѓаните на самиот почеток од својата кариера. Иако има само 19 години, тој долго време игра за шведската репрезентација до 21 година.

Бардѓи е еден од оние на кои им се предвидува светла иднина, а европските медиуми почнаа да го споредуваат со Лионел Меси уште на почетокот на неговата кариера, особено што се работи за левоног фудбалер. Како и легендарниот Аргентинец, Бардѓи има одлична игра и преглед на играта со лева нога, а исто како и Меси, сака често да „влече“ по средината на теренот и да создава вишок на теренот. Договорот меѓу Барселона и Бардѓи е веќе постигнат и остануваат само неколку мали детали, а официјална потврда за овој трансфер се очекува на почетокот на јули.

 

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ