Барса го дефинира наследникот на Левандовски

САД треба да бидат следната станица во кариерата на полската легенда, Роберт Левандовски, која треба да ја напушти Барселона на крајот од оваа сезона и веднаш да потпише за Чикаго фајер.

Со оглед на тоа што се ближи разделбата, Барса веќе почна да бара нов напаѓач. Душан Влаховиќ беше претходно споменуван, но нема да биде ништо од тоа, па затоа каталонскиот гигант го насочи своето внимание кон францускиот интернационалец од редовите на Интер, Маркус Турам.

– Барселона бара замена за Роберт Левандовски ова лето. Чикаго фајер подготви богата понуда за полскиот напаѓач и се очекува неговото заминување. Маркус Турам од Интер се смета за потенцијална замена. Неговата вредност е околу 80 милиони евра. Иако Интер во моментов не е подготвен да го продаде Французинот, голема понуда би можела да го промени неговото мислење – вели извор близок до каталонскиот тим.

Звучи малку нереално дека Барса би сакала да издвои 80 милиони евра за Турам, бидејќи финансиите и понатаму се главен проблем на „Ноу Камп“.

Во текот на своите три и пол години во Барселона, Роберт Левандовски одигра 176 натпревари и има учинок од 114 гола и 23 асистенции. Неговото заминување би сигнализирало и целосен пресврт кон друг профил напаѓачи – помлади и помодерни, што е најавено во спортскиот сектор на каталонскиот гигант.

Од друга страна, МЛС со години се обидува да доведе големи европски имиња со цел дополнително да го подигне нивото на натпреварувањето и да привлече глобално внимание. Левандовски, несомнено, би бил едно од најголемите засилувања во историјата на лигата, а Чикаго фајер би добил маркетиншка бомба, но и напаѓач што сè уште може да направи разлика на теренот.

Сличен ефект беше забележан и претходно, со доаѓањата на ѕвезди како Златан Ибрахимовиќ, Дејвид Бекам и Лионел Меси.