Марио Балотели (34), поранешен италијански репрезентативец, го напушти калчолигашот Џенова откако му истече едногодишниот договор. Контроверзниот напаѓач одигра само шест натпревари во текот на целата минатата сезона и сега е слободен агент и е во потрага по нов клуб.
„Мојот сон беше да играм за Реал (М). Денес само барам клуб кој ќе верува во мене. Сакам да играм уште две или три години. Потоа ќе одам кај мојот брат Енок. Тој сега игра за Вадо. Тоа е аматерски тим. Му ветив дека ќе ја завршам кариерата играјќи со него“, изјави Балители во интервју за Газета и продолжи:
„По сè што поминав, мислам дека можев да се потрудам повеќе. Жал ми е што повеќе не играв за репрезентацијата. Некои луѓе не ме сакаа во репрезентацијата, но тоа сега е минато. Џенаро Гатузо е сега селектор. Му посакувам се најдобро. Тој е личност која дефинитивно ќе даде се од себе“, додаде Балотели еден ден пред неговиот 35-ти роденден.
Марио сега ќе го бара 12-тиот клуб во својата професионална кариера. Претходно играше за Интер, Манчестер Сити, Милан, Ливерпул, Ница, Марсеј, Бреша, Монца, Адана Демирспор, Сион и Џенова. Беше исклучителен талент, но поради недостаток на дисциплина и недостаток на сериозност, не постигна уште поголема кариера.
ИЗДВОЕНИ
ДИК ГИ ДЕФИНИРА УСЛОВИТЕ, НО СЕ ОТВОРИЈА СОМНЕЖИ ЗА МОЖНИ МАНИПУАЛЦИИ НА ЛОКАЛНИТЕ ИЗБОРИ: Ќе станат ли гласачките ливчиња книги со илјадници имиња?
Во голем број компании еден работник работи за двајца, а зема иста плата
Од Гоцевата чета, преку Ацевиот баталјон, до НАТО-армија со идејната водилка за слободна и суверена Македонија
Берлин ќе го сече Гордиевиот јазол меѓу Скопје и Софија
