Балканот повторно се пржи! Високи тропски температури над 40 степени следната недела

Балканскиот регион е погоден од нов топлотен бран. Ова подрачје ќе биде под влијание на термобаричен гребен и многу топла воздушна маса од северна и северозападна Африка, што ќе предизвика многу топло време, предвидуваат метеоролозите, а оваа ситуација ќе продолжи во текот на поголемиот дел од следната недела.

Предупредувања за топлотен бран со високи тропски температури се издадени во сите балкански држави.

Под влијание на многу топла воздушна маса од југ, во текот на наредната седмица времето во Македонија ќе биде претежно сончево и многу топло. Дневната температура насекаде ќе биде над 30°C, а наместа ќе достигне и 40°C, соопштуваат од Управата за хидрометеоролошки работи (УХМР).