Австриска доминација или мегаскандал на „Четири скокалници“?!

Новогодишната турнеја во скијачки скокови стигна до својата трета станица во Инсбрук, а по квалификациите, многу работи дигнаа прашина. Квалификациите минаа во знакот на Австријците, бидејќи натпреварувачите од оваа земја ги зазедоа првите четири позиции.

Јан Херл победи пред Стефан Крафт, Стефан Ембахер и Даниел Чофениг.

Сепак, организацијата на натпреварувањето предизвика многу коментари и многумина веруваат дека Австријците се потпомогнати да му ги комплицираат работите на суверениот лидер на турнејата, Словенецот Домен Превц.

Токму Домен Превц изведе скок во нечовечки услови во квалификациите. Имено, тој скокна при силен налет на ветрот зад грб и доби 27 бода плус за тој лет, но едноставно не беше можно да се фати добра дистанца или да добие добри оцени во такви услови. Заврши на 30. место во квалификациите и многумина веруваат дека е ова австриска игра.

Предизвика сомнежи тоа што започнаа квалификациите во 14:30, а не во 13:30 часот како претходните години. Ова е важен сегмент од натпреварувањето, бидејќи скокалницата Бергизел во Инсбрук е во самиот центар на градот и како што се приближува темнината така временските услови стануваат сè понеповолни. Ова особено се однесува на посилните налети на ветар, што е најважен дел за скокачите, бидејќи по тоа тие ја „бркаат“ воздушната перница, координацијата на телото во воздухот, а со тоа и дистанцата.

Од безбедносни причини, во Инсбрук беше поставена заштитна мрежа на излезот од мостот и до самото место за слетување за да се намали налетот на ветрот.

Домен Превц скокна во квалификациите при налет на ветер од 1,6 м/2 на излезот од мостот и во случај да успееше правилно да слета, некои помалку искусни скокачи ќе се снајдеа многу полошо.

Тројцата најдобри скокачи на Светскиот куп имаа ужасни услови во квалификациите, а тоа беа Филип Рајмунд од Германија, Јапонецот Рјоју Кобајаши и претходно споменатиот Словенец Домен Превц.

Кобајаши заврши на 11. место, Рајмунд на 16., а Превц на 30. Место и ниту еден од нив не ја прескокна линијата од 120 метри бидејќи беше невозможно тоа во такви услови.

Домен Превц скокна само 112 метри, што беше меѓу помалите должини во квалификациите, но +27. бода добиени поради лошите временски услови го спасија од тотална катастрофа и од елиминација во квалификациите.

Во генералниот пласман, Превц има огромна предност од 35 бода пред Херл и 41,5 бода пред Ембахер.

Австријците сигурно не очекуваа таков дебакл и нема сомнение дека многу работи ќе бидат под лупа во Инсбрук и во Бишосхофен.