Австриските власти продолжуваат да бараат одговори зошто 21-годишниот вооружен човек идентификуван како Артур.А., уби 10 лица во пукотница во неговото поранешно средно училиште пред да си го одземе животот, во еден од најлошите насилни инциденти во модерната историја на земјата.
Полицијата соопшти дека мажот, вооружен со пиштол и пушка, дејствувал сам. Тие го пребаруваат неговиот дом и на интернет за да откријат зошто во вторникот отворил оган во вториот по големина град во Австрија, Грац, пред да се застрела во училишниот тоалет.Инцидентот е тешко да се разбере, рече Пол Ниче, наставник по веронаука во училиштето, кој ја напуштил училницата пред напаѓачот да се обиде да влезе и накратко го видел како се обидува да ја уништи бравата на друга врата со пиштол.
Некои австриски медиуми објавија дека младиот човек, изгледа се чувствувал малтретиран, иако полицијата сè уште не го потврдила ова.
Тој, како што пренесуа австриските медиуми оставил проштална порака во која не се открива мотивот за нападот, соопшти полицијата, објавувајќи утрово дека во неговиот дом е пронајдена импровизирана експлозивна направа, која не била функционална.
Франц Руф, раководител на администрацијата за јавна безбедност, рече дека истрагата за мотивот напредуваа брзо.
„Не сакаме да шпекулираме во овој момент“, изјави тој за ОРФ. Околу 17 минути поминаа од моментот кога полицијата ги прими првите повици за пукањето во училиштето, додека местото на настанот не беше прогласено за безбедно“, рече Руф.
Австрија има едно од најтешко вооружените цивилни популации во Европа, според независниот истражувачки проект „Small Arms Survey“. Нападот доведе до повици за построги закони за оружје од градоначалникот на Грац.
Полицијата соопшти дека оружјето на осомничениот било легално, а Руф рече дека иако австриските закони за оружје се строги, случајот се разгледува и дека „доколку има дупки во законот, тие мора да се затворат“.
Австриската полиција соопшти дека жртвите биле пронајдени во и надвор од училиштето и на различни катови. Во нападот беа повредени околу десетина луѓе, од кои некои сериозно. Земјата прогласи тридневна жалост, а пукањето доведе до ретка демонстрација на солидарност меѓу честопати горчливо поделените политички партии. Родителите на учениците и соседите од училиштето тешко се справуваат со настанот.
Стотици луѓе се собраа на главниот плоштад во Грац вечерта по масакрот за да им оддадат почит на жртвите. Други оставија цвеќе и запалија свеќи пред училиштето. Десетици луѓе дојдоа да даруваат крв за преживеаните.
Масовните пукања во Австрија датираат барем од 1981 година, кога во напад со митралез и граната врз синагога загинаа две лица, а 30 беа ранети. Нападот беше насочен кон луѓе што ја напуштаа церемонијата на бар мицва. Во 1982 година, двајца Палестинци родени во Јордан и Ирак беа осудени на доживотен затвор за тој напад.
Во 2013 година, наводен криволовец на елени уби тројца полицајци и возач на брза помош додека полицијата го бркаше во близина на австрискиот град Анабург. Сторителот е идентификуван како Алоис Хубер. Во 2016 година, вооружен човек отвори оган на концерт во градот Ненцинг, убивајќи две лица и извршувајќи самоубиство. Единаесет лица беа ранети. Вооружениот напаѓач Грегор Шалерт имал жестока расправија со својата девојка пред да отвори оган, според локалните извештаи.
Во 2020 година, четири лица беа убиени, а 23 беа повредени во пукотница во Виена, неколку часа пред главниот град да воведе карантин за време на пандемијата КОВИД-19. Вооружениот напаѓач беше убиен од полицијата. Властите го опишаа напаѓачот како симпатизер на вооружената група ИСИЛ.
