Австралија е погодена од рекорден топлотен бран, со температури кои достигнаа речиси 50 степени Целзиусови. Градовите Хоуптаун и Волпијап во државата Викторија регистрираа прелиминарна температура од 48,9 степени Целзиусови, што, доколку се потврди преку ноќ, ќе ги надмине рекордите поставени на тој ден во 2009 година кога 173 лица загинаа во катастрофални пожари.
Во вторник немаше смртни случаи од топлотниот бран, но властите во Викторија повикаа на претпазливост бидејќи три пожари избувнаа надвор од контрола, објави ABC News. Мелбурн, најголемиот град во државата, исто така го доживеа својот најжежок ден досега.
Организаторите на тенискиот турнир Австралија Опен во градот спроведоа протоколи за екстремна топлина, принудувајќи затворање на подвижни покриви над главните арени и одложување на натпреварите на непокриени отворени терени.
